El PP publica na so web un documentu coles 20 mentires del Gobiernu y del PSOE tres l'atentáu de Barajas L'ASTURIES LLIBERAL

El PP publicó na so páxina web un documentu con distintes declaraciones realizaes pol Gobiernu de Zapatero y pol PSOE tres l'atentáu perpetráu por ETA'l 30 d'avientu del 2006 nel aeropuertu de Barajas, que dexen bien a les clares les sos mentires tocantes al procesu de diálogu cola banda terrorista.

Señálase que'l propiu Zapatero confesó que "siguió negociando con ETA" debío al deséu d'instancies internacionales. Reséñense delles declaraciones empezando pol comunicáu que fizo públicu La Moncloa'l mesmu día del atentáu, el 30 d'avientu, asegurando que'l presidente del Gobiernu "ordenara suspender toles iniciatives pa desarrollar el diálogu con ETA". Tamién se recueyen otres declaraciones de Zapatero, como les que fizo a lo llargo del mes de xineru del 2007 afirmando que'l diálogu llegara "al so puntu final"; o "naide se plantega un escenariu de diálogu nin con ETA nin col so entornu"; o "nun hai nenguna espectativa de diálogu con ETA". Faise igualmente mención a la declaración que fizo'l 15 de marzu del pasáu añu al garantizar que nun había "nengún contactu pal diálogu" con ETA. El 20 de mayu reconoció que nun hubiera nengún diálogu nin conceyu y calificaba de "disparate" les informaciones qu'aseguraben que l'executivu caltuviera un diálogu cola dirección d'ETA tres la T4.