El PP critica'l "trunfalismu" d'Interior en seguridá vial cuando les cifres de mortalidá son "tremendes" L'ASTURIES LLIBERAL

MADRID, 2 d'Avientu (EUROPA PRESS)

El secretariu de Llibertaes Públiques del PP, Ignacio Astarloa, criticó güei'l "trunfalismu" del ministru del Interior, Alfredo Pérez Rubalcaba, al presentar los datos de seguridá vial correspondientes al 2007, ya que, al so xuiciu, les cifres d'accidentes mortales son "tremendes". Astarloa valoraba asina, na sede nacional del so partíu, el balance que presentó'l ministru, onde'l númberu de muertos n'accidentes de tráficu n'España foi del 2.741, 1.288 menos que fai cuatro años. Amás, trátase d'un descensu del nueve por cientu respecto a les víctimes mortales rexistraes nel 2006. "Llamóme muncho l'atención el trunfalismu col que s'epresó'l ministru del Interior en relación cola seguridá vial cuando tamos falando de cifres d'accidentes mortales tremendes, qu'hasta lleguen a les 3.000 persones", destacó. El responsable de Llibertaes Públiques del PP señaló que la llexislatura entamó con un "fuerte descensu" de los accidentes debío, dixo, a les polítques qu'aprobó'l PP na anterior llexislatura. Pel contrario, afirmó que les decisiones que'l Gobiernu adoptó esta llexislatura nun fueron "suficientes" p'afrontar la "magnitú del problema". Según el diputáu del PP, nun bastaba con aprobar lleis como la reforma penal, sinón que yera necesario amás aumentar los medios materiales y personales. Al so xuiciu, les señalizaciones y el númberu de persones que tán nel control de les incidencies de tráficu "siguen siendo insuficientes". Por eso, avanzó que si'l PP gana les elecciones va adoptar midíes nesti sen.

EL PEOR AÑU N'INSEGURIDÁ CIUDADANA.

Astarloa tamién se refirió a la inseguridá ciudadana y la criminalidá, que calificó como ún de los "mayores fracasos" del presidente del Gobiernu. "Termina un añu permalu pol incrementu de les cifres de la criminalidá, que vien a acabar una llexislatura mui negativa na que s'incrementaron más de 20 puntos los índices de la criminalidá", resaltó. Según dixo, l'añu 2007 foi "el peor" porque amás de subir les cifres de criminalidá, desarrollóse una "criminalidá nueva", como l'asaltu a viviendes habitaes o'l secuestru espress, sin que'l Gobiernu socialista adoptara midíes p'atayala. El responsable de Llibertaes Públiques del PP considera necesario tomar midíes, sobre tou escontra les bandes organizes. "En cuatro años, el Gobiernu nun se preocupó de la seguridá ciudadana y güei tamos sufriendo los efectos", concluyó.