L'ASTURIES LLIBERAL

UVIÉU, 03 de Xineru (EUROPA PRESS)
   El númberu de paraos nes oficines del Serviciu Públicu d'Emplegu del Principáu d'Asturies subió nel mes d'avientu en 1.083 persones, lo que significa un 2,16 por cientu con respcto al mes anterior. La cifra total de paraos asitióse en 51.229 persones, según informó güei'l Ministeriu de Trabayu y Asuntos Sociales.    Nel conxuntu nacional, el númberu de paraos rexistraos nes oficines del Institutu Nacionales d'Emplegu (Inem) subió en 35.074 persones n'avientu, el 1,67 por cientu respecto a payares, colo que la cifra total de desemplegaos asitióse en 2.129.547 paraos.  En cuantes a la variación interanual, rexistróse n'Asturies un descensu de 1.684 paraos, lo que supón una baxada del 3,18 por cientu con respecto a avientu del añu pasáu. A nivel nacional, la tasa interanual rexistró un aumentu del 5,90 por cientu. Por sexos, de los 51.229 desemplegaos n'Asturies, 20.350 son homes, y el restu, 30.859 son muyeres, según los datos del Ministeriu de Trabayu. Respecto a los mozos, 5.889 de los paraos son menores de 25 años.  En cuantes a los sectores, del sector de la construcción aumentó'l númberu de paraos en 647 persones n'avientu, lo qu'asitia'l númberu total de desemplegaos nesti sector en 5.220. El segundu que mayor aumentu sufrió'l mes pasáu foi la Industria con 218 persones, contando con 5.945 paraos nel total rexonal. Tamién subió en persones el sector Servicios, con 211 paraos, siendo'l sector más numberosu ente los desemplegaos n'Asturies, con 34.017. El númberu de paraos n'Agricultura aumentó en 29 persones, asitiándose en 659 nel conxuntu de la rexón.  Nel llau contrariu baxó en 22 persones nel sector de los d'ensin emplegu anterior, colocándose'l númberu de desemplegaos del mesmu en 5.388. Polo que se refier a la contratación, el númberu total de contratos rexistraos n'avientu foi de 21.442, un 18,88 por cientu menos que l'añu anterior, ye dicir, 4.990 contratos menos. Tamién na tasa interanual baxó'l númberu de contratos un 13,78 por cientu, de forma que nel mesmu periodu del añu anterior se realizaren 3.426 contrataos más que'l mes pasáu.

ASCENSU DE 35.074 NEL NACIONAL.

   Nel mes d'avientu del 2007 el paru subió en 35.074 persones, frente al descensu en 291 desemplegaos que se rexistró n'igual mes del 2006. No que respecta a la contratación, el númberu total de contrataos rexistraos nel 2007 subió a 18.622.108, con un incrementu del 0,5 por cientu sobre 2006. Esti ye'l mayor valor anual rexistráu na serie histórica. Sólo nel mes d'avientu ficiéronse 1.261.319 contratos de carácter estable, lo que representa una baxada de 124.964 (-9%) respecto a avientu del 2006. En total, los contratos fixos del mes d'avientu representaron el 10,7 por cientu del conxuntu de la contratación, lo que supón una reducción del 42,7 sobre'l mesmu mes del añu anterior

Esbilla | del.icio.us