L'Asturies Lliberal

ETA asume al traviés d'un comunicáu los atentaos de Sestao y Balmaseda de los díes 16 y 24 d'avientu del 2007

circululliberal @ 13:13

MADRID, 2 d'Avientu (EUROPA PRESS)

   La organización terrorista ETA asumió güei al traviés d'un comunicáu espardíu pel diariu Gara los atentos con esplosivu cometíos los díes 16 y 24 d'avientu del 2007, que provocaron daños materiales nel xulgáu de Sestao y na sede del PSOE en Balmaseda, y aseguró que'l Gobiernu nun va poder "vencer sobre la voluntá de crear l'Estáu d'Euskal Herria". Nel comunicáu, la organización afirmó que'l Gobiernu español estableció una situación d'esceición que "busca la destrucción del independentismu vascu" amás de revelar la "intención d'afondar nel terrorismu d'Estáu". Amás, el testu ETA calificó a Rubalcaba como "el ministru del GAL", p'afirmar qu'amparándose na consigna de "tou val escontra ETA los ciudadanos vascos son torturaos nos cuarteles de la Guardia Civil, se-yos somete a la bolsa y la bañera, y se-yos viola introduciéndo-yos palos pel reutu", pa dar a entender que "el Gobiernu español apuesta por prollongar el conflictu". N'otru apartáu del so comunicáu, ETA pon como exemplos les condenes a los sos miembros y los mensaxes tres l'atentáu escontra la sede del PSOE en Balmaseda, p'afirmar que la situación de "estáu d'esceición, les amenaces de Rubalcaba o los avisos d'Ares, acabaron cola paciencia de la ciudadanía". Asina, la organización terrorista muéstrase dura nel comunicáu coles manifestaciones de los voceros del Gobiernu vascu, alegando que los que provoquen "ascu nesti pueblu son los qu'amparen la tortura y los traidores". ETA augura asina "el fracasu de les polítiques d'opresión y negación" porque "naide va vencer sobre la voluntá de crear l'Estáu d'Euskal Herria".

Esbilla | del.icio.us