L'Asturies Lliberal

MADRID, 26 d'Avientu (EUROPA PRESS)

   La tasa de temporalidá llaboral n'España ye la más elevada ente los países europeos del so entornu, algamando un 30% del emplegu con baxos nivles de formación, frente a una media del 17% na UE25, y del 23% ente aquellos puestos de trabayu que requiere una formación superior, cuando la media de la UE25 ye del 11%, según l'estudiu 'Mind the Gap', realizáu por Randstad Hondils y SEO Economic Research.  De la mesma manera, destaca qu'en países como España, Austria, Italia y Iralanda, la inmigración doblóse, mientres que nos Países Baxos la inmigración neta (inmigración menos emigración) descendió enforma y ye negativa dende'l 2004. Respecto a les tases de temporalidá ente aquellos inmigrantes que cuenten con contratu de trabayu, l'informe destaca qu'España descártase de los países analizaos al rexistrar una temporalidá del 44%, mientres qu'ente la población nacional la tasa de tempralidá ta nel 24%. Ente'l conxuntu de países analizaos por Randstat, per detrás d'España apaecen Portugal, con niveles de temporalidá del 30% ente los inmigrantes y del 14% pa los sos nacionales, Polonia (23% inmigrantes y 17% nacionales) y Finlandia (23% inmigrantes y 15% nacionales). Sicasí, l'informe señala que'l trabayu temporal foi un importante componente del crecimientu d'emplegu nes últimes décades y afirma que la temporalidá furrula como una pasarela hacia un emplegu permanente, puesto qu'ente un 45% y un 65% de los trabayadores temporales dende 1998 algamaron un contratu indefiníu en tres años. Per otra parte, España paez descolgada nos datos qu'espeyen el porcentaxe d'homes y muyeres con contratos a tiempu parcial. En concreto, el porcentaxe de muyeres algama'l 25% y el d'homes del 5%, sólo per delantre de Portugal, Polonia, República Checa y Hungría.

Esbilla | del.icio.us