El Círculu Lliberal d'Asturies ye un proyectu de calter asociativu asturianista, democráticu y transversal
MADRID, 26 d'Avientu (EUROPA PRESS)
El cabezaleru del Partíu Popular, Mariano Rajoy, pretende tar sólo ocho años nel Palaciu de la Moncloa si gana les elecciones xenerales del próximu 9 de marzu, asumiendo d'esta manera'l mesmu compromisu políticu que s'impunxo l'ex presidente José María Aznar, según informaron en fontes de la dirección del partíu.
En xunu de 1994, en plena campaña de les elecciones europees y cuando yera xefe de la oposición, Aznar anunció públicamente que si llegaba a ser presidente del Gobiernu sólo se presentaría una vez a la reelección. Esta promesa yera en realidá una crítica a Felipe González, que nesi momentu ya llevaba doce años nel poder.
La decisón personal d'Aznar de non tar más de dos mandatos foi ratificada dempués n'abondes declaraciones públiques, pese a qu'hubo munches voces que-y pidieron que reconsiderara la so decisión, sobre tou tres la mayoría absoluta de 183 diputaos que llogró nel 2000.
Agora, Mariano Rajoy ta dispuestu a siguir la trayectoria de José María Aznar y asumir públicamente'l compromisu de non tar más d'ocho años nel Palaciu de La Moncloa si sal elixíu presidente esti mes de marzu, según les citaes fontes.
Esbilla
del.icio.us
Nun hai comentarios »