L'Asturies Lliberal

En glayiu.org paez que a dalguién nun-y importa el "corta-pega" con tal de camudar lo dicho nesti blogue pa que paeza dicir lo que-yos interesa a los amigos del victimismu izquierdista. Los nuestros llectores puen comprobalo darréu:

L'ASTURIES LLIBERAL ACUSA A SUATEA DE TENER RELACIÓN COL ENTRAMÁU POLÍTICU PROETARRA

22:30 hores :: 14/Mayu/2008 :: espublizao por anonimx :: [otrxs]

"Ante esti nuevu actu criminal, amás d'asoleyar la so repulsa, el Círculu Lliberal quier denunciar qu'a día de güei haya persones o sindicatos que dicen defender la llingua asturiana, y que tengan vinculación con etidaes onde se da abellugu a los que sofiten al entramáu políticu de la banda asesina ETA que, faigamos alcordanza, ente los sos crímenes han de contase l'asesinatu de varios ciudadanos asturianos."

"Suatea forma parte de STEs-INTERSINDICAL , al igual que'l sindicatu STEE-EILAS, organizacion del entornu abertzale, y que vien d'amosar el so apoyu a la fuerza filoetarra ANV. Sería intereseante saber si dende Suatea pretenden aplicar n'Asturies el mesmu tipu de democracia que proponen los sos collacios vascos nesa entidá inventada que nomen "Euskal Herria", si tamién ellos apoyen al mundu etarra, y si los sos enfotos de laicismu talibán tendríen algo que ver coles sos "peculiares" relaciones intersindicales. Quiciás por ello s'esplique la so llonxanza con respecto a Asturies y la so incapacidá pa entender a la ciudadanía asturiano."

Los llectores puen adicar que s'amesten dos testos que correspuenden a dos posts estremaos (marcamos los dos en collores distintos), lo que preba a les clares la intención de manipular y camudar la realidá, afición ésta ya vieya en ciertos totalitarismos. Recordamos lo que nesta páxina se diz sobre l'autoría del material publicao:

El Colectivu Editorial Glayíu nun se fai responsable pol material publicao nesti sitiu, al nun ser lo qu’apaez firmao pol Colectivu Editorial Glayíu. Tola responsabilidá pa comprobar la verdá y los derechos de reproducción d’un unviu correspuenden al autor o autora que lo publica. Al publicar material nesti sitiu l’autor o autora del unviu asume que pue ser redistribuyíu con llibertá

Poro, esperamos que d'alcuerdu colo reflexao nesi párrafu, el Colectivu Editorial Glayíu, que nun ye'l firmante, nun asuma manipulación tala. Por embargu, sería procedente que nel sitiu web curiaran de comprobar la veracidá de titulares como'l que se mencionaba antes.

Un guardia civil asesináu y otros cuatro firíos ye'l resultáu del españíu d'un coche bomba per enantes de les trés de la mañana contra la casa cuartel de la Guardia Civil en Legutiano (Álava), informaron fuentes de la Ertzaintza y de la llucha antiterrorista.
El coche bomba, posiblemente una furgoneta, taba allugáu la puerta del cuartel, situáu al borde de la carretera N-240, a la entrada del pueblu. Españó, ensin previu avisu, a las tres menos dos minutos de la mañana.

Ante esti nuevu actu criminal, amás d'asoleyar la so repulsa, el Círculu Lliberal quier denunciar qu'a día de güei haya persones o sindicatos que dicen defender la llingua asturiana, y que tengan vinculación con entidaes onde se da abellugu a los que sofiten al entramáu políticu de la banda asesina ETA que, faigamos alcordanza, ente los sos crímenes han de contase l'asesinatu de varios ciudadanos asturianos.

Suatea forma parte de STEs-INTERSINDICAL , al igual que'l sindicatu STEE-EILAS, organizacion del entornu abertzale, y que vien d'amosar el so apoyu a la fuerza filoetarra ANV. Sería intereseante saber si dende Suatea pretenden aplicar n'Asturies el mesmu tipu de democracia que proponen los sos collacios vascos nesa entidá inventada que nomen "Euskal Herria", si tamién ellos apoyen al mundu etarra, y si los sos enfotos de laicismu talibán tendríen algo que ver coles sos "peculiares" relaciones intersindicales. Quiciás por ello s'esplique la so llonxanza con respecto a Asturies y la so incapacidá pa entender a la ciudadanía asturiano.

El sindicatu radical Suatea aseguró, emplegando una terminoloxía propia del anticlericalismu más ranciu, que "ún de los escasos aspeutos positivos, sinón l'únicu, de la propuesta de borrador del nuevu currículu de Bachilleratu p'Asturies, ye la contemplación de la docencia de relixón como materia optativa y fuera del horariu habitual". Por ello llamentaron que "la presión del 'lobby' de les sotanes y los devotos ta siendo mui fuerte", y esixeron la salida definitiva de l'asignatura del horariu del bachilleratu. Asina, amosando un increyible desconocimientu de la sociedá asturiana, Suatea manifestó que "esi 'lobby' constituyíu pol conxuntu de sectores, instituciones y intereses católicos saltaron como un resorte, avezáu como ta a caltenese en situación de privilexu", en cuantes se conoció la propuesta. Suatea empérrase nel camín que yá entamara al firmar la cuarta declaración denomada Por una sociedad laica la religión fuera de la escuela, y apinada d'apoyos provenientes de la izquierda estrama o del integrismu marxista.

Ante esti posicionamientu, Círculu Lliberal declara que nengún trabayador/a de la enseñanza que crea na realidá social, cultural, histórica, d'Asturies pue ser militante del sindicatu Suatea, en virtú del so claru facer antiasturianu por atacar los raigaños del nuestru país, y por dir nesta agresión de la mano de la gobernanza socialista que vien añu tres añu fundiendo a la nuestra tierra. Per otra parte, suxerímos-y a esti sindicatu coherencia y que dexe de dar usu a la bandera asturiana, pues por llevar sobre fondu azul la Cruz de la Victoria, de seguro que-yos manca la so persensible laicidá.

firmantes de la mentada declaración anticristiana

CEAPA, STES-i, Sindicato de Estudiantes, IU, Europa Laica, CGT, Confederación Estatal de MRP´s, FAEST (Federación de Asociaciones de Estudiantes), Federación Estatal de Gays y Lesbianas, SOS Racismo, PCE, Juventudes Comunistas, Izquierda Republicana, Unidad Cívica por la República, Foro por la Educación Pública, Los Verdes.
Organizaciones de carácter territorial que se suman a esta declaración:
Lliga per la Laïcitat de Catalunya, Andalucía Laica, Asociación de Maestros Rosa Sensat, Asociación Pi y Margall por la Educación Pública y Laica, Asociación Galileo de Úbeda, Asociación Escuela Laica de Albacete, Colectivo Escuela Laica de Zaragoza, Foro Ciudadano de la Región de Murcia, Federación Regional de Asociaciones de Vecinos de Madrid, Federación de Asociaciones de Vecinos de Valladolid, Club de Amigos de la UNESCO de Madrid, No nos Resignamos, Asociación Manuel Azaña, Plataforma Cultura contra la Guerra, Más Democracia, Espacio Alternativo, USTEC-STEs, Intersindical Alternativa Catalana (IAC), Liberación-Amauta, Plataforma Asturiana por una Escuela Laica (SUATEA, CC.OO., CSI, IU, IAS, JCA, CJC, Sindicato de Estudiantes, Ateneo Obrero?, Lliberación?, Europa Laica,...)
Personalidades que firman esta declaración:
Rosa Regás, escritora.; Almudena Grandes, escritora; José Luis Sampedro, escritor; Maruja Torres, periodista y escritora; Lucía Etxebarría, escritora; Vicente Aranda, director de cine.

La Xunta pola Defensa de la Llingua llamó güei "demagogu y irresponsable" al secretariu d'organización de la FSA, Jesús Gutiérrez, por comparar la reivindicación de la oficialidá con "creer o non creer en Dios". Al traviés d'un comunicáu, la Xunta afirma que se trata de "una argumentación" propia d'un demente, y entruga a Jesús Gutiérrez si "cree nos derechos de los asturianos o nun cree nellos, y si cree que los falantes de la llingua asturiana tienen de siguir teniendo la suerte de ser ciudadanos de segunda".

De toes formes la mesma Xunta  condergara que la llingua tuviera nel centru del debate electoral nes pasaes elecciones xenerales, coincidiendo asina cola mesma posición que'l PSOE. Igualmente, nes elecciones a rector de la Universidá d'Uviéu esta asociación xugó a una supuesta neutralidá, pero que se reflexó tres l'apoyu d'otra asociación a Vicente Gotor. Va poco, un voceru de la Xunta allugaba nun "mesmu nivel d'oposición a la oficialidá" al PP y al PSOE, nunes declaraciones que nun prestaron nada nes agrupaciones más asturianistes del Partíu Popular. Estos fechos, xunto a otros producíos n'otres estayes, lleven provocando bien d'esmolecimientu en dirixentes populares comprometíos cola llingua que pue conducir a un fondu cambiu d'estratexes nel centru derecha asturianu. De fechu, nel últimu Día de les Lletres, notóse l'amenorgamientu de la presencia del PP nel actu de l'Academia de la Llingua; llegando tamién les ausencies significatives a la manifestación previa.

 El Plenu de la Xunta Xeneral del Principáu aprobó por  unanimidá (44 votos) una proposición non de llei del PP pola que s'encamienta al Conseyu de Gobiernu a que se ponga en serviciu el suministru de l'anestesia epidural nel Hospital de Cangas del Narcea, enantes de que fine'l presente añu llexislativu.