L'Asturies Lliberal

Imaxe na que s'identifica al agresor socialfascista

En L'Asturies Lliberal acabamos allugar, na columna de la derecha, un enllaz a TVgratis.tv, dende onde se permite a los usuarios interesaos l'accesu a más de mil canales televisivos de tol mundu, esbillaos per países o per temátiques. Na seleición inclúinse  un bon númberu d'emisores locales y autonómiques d'España.

Una bomba españó ayeri énte la embaxada danesa na capital paquistaní, provocando la muerte de cuatro persones y firiendo a varies más, según les autoridaes. Dellos medios de Dinamarca, nel exerciciu de la llibertá de prensa, publicaren unes caricatures de Mahoma qu'irritaren a musulmanes radicales de tol mundu. Esti atentáu paez una amuesa más de cómo dende ciertes estayes de los profesadores del islam s'entiende'l respetu a la so creencia relixosa. Mentantu, nos países musulmanes cualaquier llibertá d'eleición n'asuntos relixosos ye imposible. Tovía estos díes una ciudadana d'Arxelia, estáu de los más moderaos ente los que l'islam ye la creencia dominante, foi prindada pola mor de tar en posesión de varies biblies.

El talibanismu indixenista d'Evo Morales va camín d'esfronase contra la oposición cada vez más fuerte de los bolivianos. El réxime del presidente izquierdista, mezclienda de tresnochaes dogmes marxistes y d'un nada tapecíu racismu indiu, acaba recibir l'últimu castigu electoral. El ''Sí'' a un estatutu autonómicu ganó de mou arrollador nel referendu cellebráu nes rexones de Pando y Beni. En Beni el ''Sí'' a l'autonomía algamaría  un 80,2 per cientu de los  votos, mentanto que'l ''Non'' de los masistes (seguidores del MAS) un 19,8 por cientu. En Pando'l ''Sí'' algamó'l 81,8 por cientu, frente aun 18,2 por cientu del ''Non''. L'apoyu al estatutu autonómicu d'estes dos rexones xúnese al que ya algamó'l distritu oriental de Santa Cruz nel referendu cellebráu'l pasáu 4 de mayu.

ÚLTIMA HORA: Nestos momentos grupos organizaos de partidarios del réxime d'Evo Morales tán apaleando peles cais de Bolivia a defensores de l'autonomía pa les rexones del país (15,20 hes.)

L'artículu 44 de la ponencia política oficial define al Partíu Popular nestos términos:

44. Somos un Partido Liberal que asume la tradición del liberalismo español surgida de la Constitución de Cádiz. Propugnamos la libertad, la igualdad y el mérito individual como valores que sustentan el progreso de la sociedad. Creemos que el Estado debe garantizar socialmente la igualdad de oportunidades entre las personas, así como el equilibrio territorial mediante políticas que fomenten la cohesión.

Izquierda Hispánica (ente d'ultraizquierda) presenta un panorama de la derecha actualmente esistente: Dende la ETA y los nacionalistes catalanes, canarios o asturianos hasta'l Dalai Lama o los mahometanos. Estos nuevos "flipaos" de la nomada Izquierda acaben d'acuñar un nuevu términu, el neofeudalismu. Seríen grupos neofeudalistes n'España los que siguen, siempres cola transcripción de la autodenomada Izquierda Hispánica:

Partido Andalucista, Partido Socialista Andaluz, Bloque Andaluz de Izquierdas, Partido Comunista de los Pueblos de España, Nación Andaluza, Asamblea Nacional de Andalucía, Chunta Aragonesista (miembro de la Alianza Libre Europea), A Enrestida (neofeudalistas aragoneses), Partido Asturianista, URAS, Unidá, Bloque por Asturias, Andecha Astur, Juventud de la Izquierda Asturiana, EMIR, Darréu, Partido Nacionalista Vasco, Eusko Alkartasuna (miembro de la Alianza Libre Europea), Batasuna, Aralar, ETA, Partido Comunista de las Tierras Vascas, ELA, LAB, Acción Nacionalista Vasca, Congreso Nacional Canario, Federación Nacionalista Canaria, Alternativa Popular Canaria, Unidad del Pueblo Canario, Azarug, Movimiento Pro-Independencia de Canarias, Movimiento Independentista Canario, Movimiento Canarias Libre, Canarias Nación, Movimiento Autonomista Canario, Movimiento por la Autodeterminación y la Independencia del Archipiélago Canario, Coalición Canaria, Canarias Libre, Fuerzas Armadas Guanches, Destacamentos Armados Canarios, Concejo Nacionalista Cántabro, Tierra Comunera, Yesca, Partido Nacionalista Castellano, Izquierda Castellana, Movimiento Popular Castellano, Soberanía y Progreso (separatistas e irredentistas catalanes), Plataforma por el Derecho a Decidir (neofeudalistas pancatalanistas), Círculo de Estudios Soberanistas (catalanistas), Cataluña Acción, Cataluña Libre, Endavant, Movimiento de Defensa de la Tierra (grupo terrorista pancatalanista), Terra Lliure, Maulets, Coordinadora de Asambleas de Jóvenes Independentistas de Cataluña, Juventudes de Esquerra Republicana de Catalunya, Esquerra Republicana de Catalunya (miembro de la Alianza Libre Europea), Estat Català, Bloque Nacionalista Valenciano, Convergencia y Unión (coalición de los partidos Convergencia Democrática de Cataluña y Unión Democrática de Cataluña), Partido Socialista de Mallorca/Entesa Nacionalista, Entesa de l'Esquerra de Menorca, Bloque Nacionalista Gallego (miembro de la Alianza Libre Europea), NÓS-Unidad Popular (neofeudalistas gallegos), Frente Popular Gallego, Partido Galleguista, Tierra Gallega, Galiza Nova, AGIR, CAF, Ejército Guerrillero del Pueblo Libre de Galicia, Unión del Pueblo Leonés, Conceyu Xoven.

Numberosos militantes del PP asturianu descontentos cola posibilidá de qu'Ovidio Sánchez vuelva ser presidente rexonal del partíu, paecen abandonar la opción d'Alicia Castro como candidata alternativa. De fechu, tán a la gueta d'una opción viable si se confirma que Castro fadrá formal la so renuncia a confrontar con Sánchez nel prósimu congresu de la seronda.

Los opositores a Ovidio Sánchez consideren que tienen tiempu abondo pa llograr un candidatu o candidata con posibilidaes, al que trasladaríen prácticamente na so totalidá los apoyos recabaos p'Alicia Castro Masavéu, ente los que destaquen los que siguen darréu: Les xuntes de Coaña, Tapia de Casariego, Cuideiru, Valdés, El Franco, Navia, A Veiga, Taramundi, Pezós, Santalla d'Ozcos y Samartín d'Ozcos. L'alcalde de Coaña Salvador Méndez y l'ex alcalde de Navia, Manuel Bedia. Les xuntes de Candamu, Proaza, Quirós, Ibias, Cangas del Narcea, Allande, Tinéu, Salas, Balmonte, Somiéu, Grao y Yernes y Tameza. L'alcaldesa de Peñamellera, Rosa María Domíngez y el secretariu de la xunta d'esti conceyu, Benito Fernández. Na xunta de Ribadedeva'l presidente local, Juan Carlos García y el portavos municipal, Enrique Fuentecilla. Miembros de les xuntes de Llanes y Ribesella, el portavoz municipal de Cangues d'Onís, Santiago Pendás, asina como los integrantes de la xunta local Elpidia Quintana, Javier Blanco, María Teresa Fernández y Roberto de la Vega. En Piloña, el tesoreru de la xunta local, Luis Antonio Azcoitia y los conceyales Gloria Llano y Rubén Sánchez, asina como la secretaria de Nueves Xeneraciones, Ángela Arena. Nel centru destaca especialmente la xunta local de Mieres, y el so presidente, José Coto.

La persona que representaría meyor el perfil de candidata alternativa diba ser la presidenta del PP de Xixón, Pilar Fernández Pardo, qu'hasta agora curió de nun facer nenguna manifestación que la implicara n'operaciones internes del partíu n'Asturies, y que se llimitó a sofitar ella mesma y los compromisarios xixoneses a Mariano Rajoy pal prósimu congresu nacional. De toes formes pa los detractores de la trayeutoria del actual presidente rexonal hai esperances nuna toma de posición de Fernández Pardo que, nel penúltimu aconceyamientu del Comité Executivu Rexonal, se desmarcó contundentemente de la iniciativa d'Ovidio Sánchez de facer "muérganos paralelos", o d'alcordar decisiones que namás se puen tomar nel congresu. La segunda opción cola que trabayen los defensores d'una candidatura alternativa ye la de Reinerio Álvarez, actual secretariu xeneral, que nes últimes selmanes vien llevando un intensu trabayu con distintes xuntes locales. Nun hai que s'escaecer del pesu de la xunta local de Xixón, la que cuenta con más militantes de toa Asturies; nin tampoco de les bones relaciones d'Álvarez cola direición de la xunta xixonesa, imprescindible na entamadura de cualaquiera candidatura nueva pal prósimu congresu rexonal. Igualmente ye descatable la circunstancia de que, tanto Fernández Pardo como Álvarez, representen al seutor de dirixentes del partíu más comprometíos col avance del respaldu llegal a la llingua asturiana.

La Xunta Xeneral del Principáu aprobó por unanimidá una propuesta pa que'l Conseyu de Gobiernu se dirixa a la almininstración central col envís de que se rectifique'l topónimu Ría de Ribadeo, adoptáu pol Consejo Superior Geográfico pa denomar al estuaria del Eo. Esta reivindicación súmase a la yá presentada por otres asociaciones y colectivos, como l'Academia de la Llingua Asturiana o'l Círculu Lliberal d'Asturies. Pela so parte, Marcial González, diputáu del Partíu Popular, llamentó que se tea de discutir otra vuelta na Xunta sobre una polómica allugada alrodiu la ría del Eo y aseguró que pola mor d'elles los ciudadanos de la zona siéntense abandonaos pol Gobiernu Asturianu. Tamién denunció "el colonialismu gallegu que quier adientrase n'Asturies ensin oposición dala del Gobiernu asturianu".

La Xunta de Gobiernu aprobó nesta selmana la ordenanza municipal del usu de la llingua asturiana nel ámbitu del conceyu de Xixón. El Plenu ordinariu de la Corporación del 13 de xunu espera'l votu afirmativu de los tres grupos (IU, PSOE y PP). Nun se va imponer a naide, insiste Jesús Montes Estrada, vicealcalde y líder d'IU, que ta convencíu de que la llingua asturiana, d'una manera o d'otra, ta na metá de les cases xixoneses. Que naide s'asuste. La izquierda internacionalista ye bienvenida al rodiu de la llingua nesti sieglu. Primero fueron, hai años y sieglos, dende 1639, xentes como Jovellanos, Rendueles, Rato y Hevia, por citar a tres per lloñe d'Izquierda Xunía. Güei, igual que dende que Rafael Fernández dexó Asturies sin Lleón, el güesu duru de royer tiénenlu los socialistas asturianos. Pero en Xixón van apoyar la normalización. Algo ye algo.
Publicao en La Nueva España