L'Asturies Lliberal

Esti añu resúmese na desapaición de retulaciones n'asturianu nos edificios alministrativos, al igual que nos logotipos, o les campañes de calter billingüe. El Plan de Normalización pue dase por muertu, pola mor del so práuticu abandonu. De momentu, la FSA nun s'atreve nin a llevalu a la Xunta Xeneral pa la so valoración. D'otra parte, agravóse la yá de per sí importante precariedá de los Servicios de Normalización Llinguística nel ámbitu municipal. Igualmente, dende la Conseyería d'Educación siguen ensin dar aplicación a la Llei d'Usu. Nun hai espedientes toponímicos nuevos. En xunto, cada día vese más a les clares la intención "lliquidacionista" del gobiernu de la izquierda institucional. L'únicu peligru que se-y presenta nesti momentu a la FSA, y a la so estratexa de desasturianización por desapaición biolóxica de los falantes, ye'l progresivu averamientu del Partíu Popular a posiciones avanzaes na defensa de la realidá llingüística d'Asturies. Nesti aspeutu, l'esmolecimientu de la direición socialista aumenta al tiempu que s'acaben etapes na negociación estatutaria; y sobremanera tarrecen que'l so aisllamientu na cuestión idiomática fuera a xunise cola previsible presión pol desplome de la economía española, lo que-yos podría tornar la situación na nuestra comunidá autónoma nun acosu social de consecuencies eleutorales imprevisibles.

La Ponencia Marcu del Congresu Rexonal ye la base de trabayu pa los socialistes asturianos, que van celebrar el so Congresu Rexonal ente los díes 25 y 27 de xunetu. Nesa ponencia, los representantes de la izquierda institucional vuelven a allugar los derechos de los asturianofalantes nel llimbu de l'allegalidá. Reproducimos darréu la parte de la mentada ponencia onde se torguen otra vuelta los derechos civiles de la ciudadanía d'Asturies:

La lengua asturiana: recuperación, promoción y
voluntariedad

202. Los socialistas asturianos, desde la aprobación de nuestro Estatuto, nos hemos
comprometido con la puesta en marcha de actividades relacionadas con el
asturiano, estableciendo numerosas medidas de promoción del mismo con el
objetivo de favorecer la recuperación, conservación e impulso de nuestra lengua
autóctona.

203. Pensamos que es necesario actuar para consolidar lo realizado hasta el presente y
emprender una acción coordinada y planificada para, desde el respeto a los
principios de libertad y voluntariedad en su uso, se pueda despertar un grado
suficiente de consenso social en la protección de este patrimonio cultural de los
asturianos.

204. Por eso, a partir del estatus otorgado en el vigente Estatuto de Autonomía,
continuaremos comprometidos en el fomento del uso institucional y público del
asturiano y del gallego-asturiano en el ámbito de la Administración y de los
organismos del Principado de Asturias, en la promoción de su uso en los medios de
comunicación y en garantizar la oferta de su aprendizaje en el sistema educativo.

El Grupu Municipal Popular de Xixón fairá una serie de propuestes pa meyorar la redaición del proyeutu d'Ordenanza d'Usu del asturianu que presentó a estudiu l'equipu gobiernu, y que se verá nel Plenu l'Ayuntamientu'l mes que vien. Esti proyeutu ye muncho menos ambiciosu que'l borrador d'ordenanza que se quiso impulsar na anterior llexislatura, y que refugó poles males l'alcaldesa Paz Fernández Felgueroso. En tou casu, el Partíu Popular de Xixón ya dexó claro que quier que'l conceyu tenga una ordenanza pa regular l'usu oficial de la llingua asturiana nel conceyu.

Según pudo saber el Círculu Lliberal de fontes de la sé popular na madrilana cai Génova, la direición nacional del PP nun s'opondría a un posible apoyu a la cooficialidá llingüística per parte del partíu n'Asturies. D'alcuerdu cola nueva estratexa que se perfila pal viniente Congresu Popular, afítase una llinia d'actuación empobinada al diálogu colos nacionalismos moderaos del estáu. Nesti marcu, Asturies ye una de les comunidaes autónomes onde se contempla la necesidá de polítiques d'esta triba, col envís de llograr el gobiernu pa les siguientes eleiciones autonómiques y locales. Ye claro qu'un posicionamientu avanzáu sobre'l marcu llegal de la llingua asturiana diba facilitar un alcuerdu n'Asturies, que se plantegaría con PAS y URAS, amás de con delles candidatures de calter asturianista y ámbitu municipal. Igualmente, nos últimos díes, vien pecibiéndose en dientro la direición rexonal que la posición favoratible a la "oficialidá ensin obligatoriedá" ye cada vegada más amplia nes xuntes del partíu. Nesti orde de coses, van dir sucediéndose nes prósimes selmanes acontecimientos que visualizarán l'apoyu a la llingua de relevantes dirixentes populares.

La policía holandesa detuvo ayeri al paquistaní Akeel Ur Rehman Abassi, ún de los supuestos miembros del grupu que, según la Policía, constituyía una célula islamista desarticulada'l pasáu xineru en Barcelona, onde algamara capacidá pa realizar un atentáu, en concreto contra'l metru de la Ciudá Condal, según revelara un testigu protexíu, y que pudo después recibir la orde d'asesinar n'Alemaña, según informaron fontes de la Fiscalía holandesa n'Amsterdam.

El conceyal del Partíu Popular Gabriel Díaz criticó güei que la organización de la Semana Negra xenera empléu "basoria" na ciudá pesie a recibir una subvención añal de 92.700 euros, según los datos de 2007. L'edil indicó que mientres qu'hai por exemplu dos persones que cobren 5.000 euros y otres dos 4.000 euros, hai un total de 69 persones que perciben solo 726 euros. Amás, el conceyal pidió que se xustifiquen los gastos de les perres recibíes con cargu a la subvención y que se-y dea'l mesmu tratu a otres entidaes y organizaciones del conceyu. Nesti sentíu, Gabriel Díaz indicó que'l direutor de la Semana Negra, Paco Ignacio Taibo II, ye un "verdaderu enchufáu" que, "se cree que tien la patente cultural", y al que "nun-y presta debatir temes téunicos pero nun-y fai ascu a recibir dinero". En cuantes a la partida d'ayudes a la contratación, duldó que se puea considerar l'actividá como un yacimientu de trabayu. Tamién apuntó que se tien de formar al personal ente'l 5 y el 11 de xunu y que los contrataos deben pasar previo un procesu de seleición y facer un cursu formación. A esti respeutu, el conceyal manifestó que nel espediente nun se xustifica'l citáu cursu y preguntóse sobre quién ye'l que lu da, ónde figuren los sos sueldos y el control d'asistencia. Poro, instó al Ayuntamientu a comprobar el cumplimientu del conveniu. Gabriel Díaz aseguró que l'equipu de gobiernu de la izquierda da-y "un tratu de favor" a la Semana Negra.

 Momentu de l'agresión socialfascista

Un individu de 41 años, identificáu como J.A.U.O., foi prindáu esta mañana pola Ertzaintza en Pasajes, na provincia de Guipúzcua, acusáu de l'agresión al conceyal socialista d'esta localidá Bixen Itxaso. Según fontes del departamentu vascu del Interior, el prindamientu fízose alrodiu les ocho la mañana na casa del "presuntu" agresor, allugada nel distritu de Trintxerpe. L'ataque sucedió nel trescursu del plenu onde s'aprobaba una moción consensuada ente PNV y PSE. L'edil del PSE, ex alcalde de Pasajes, presentare una denuncia énte la policía autónoma vasca. Tres la oportuna apertura de dilixencies, la Ertzaintza informó de que trataría d'identificar al autor de l'agresión. Per otra parte, el deteníu pasó a dependencies policiales y deseguida va ser puestu a disposición de l'autoridá xudicial.

Les últimes declaraciones de la senadora izquierdista colombiana Piedad Córdoba sobre la muerte del xefe de la narcoguerrilla FARC, Manuel Marulanda, alies Tirofijo, sentaron permal nel Gobiernu d'Álvaro Uribe. "Eses declaraciones son subversives y una apoloxía al delitu", afirmó l'altu conseyeru presidencial, Fabio Valencia, quien precisó que l'actitú de Córdoba "ye una manera d'echa-y una mano frente a les investigaciones que se tán faciendo". Equí en Colombia necesitamos munchos Gaitanes, vivos, munches Policarpes Salavarrietes vives, munches Maríes Cano vives, Munchos Camilos Torres vivos, y munchos homes que seyan quién a resistir la llucha, asina como lo fizo tamién Manuel Marulanda", dixo la senadora Piedad Córdoba.

Nel PP de Llión creen qu'hai pagu de favores polos servicios prestaos mentanto la campaña del 9-M, y poro aseguren que l'ayuntamientu, gobernáu por PSOE y UPL, contrató a la cantante Ana Belén y a Víctor Manuel pa les fiestes de San Xuan y San Pedro. Lo más curioso, falamos de la ciudá más venceyada al presidente Rodríguez Zapatero. La polémica pola contratación del matrimoniu, afines al socialismu institucional, xurdió a la fin de mayu, cuando los populares llioneses ficieron público que'l consistoriu taba contratando a artistes que "nun tán na cresta de la fola y la so presencia ta directamente rellacionada cola so participación na campaña electoral a favor de Zapatero". Pero tamién se conoció que l'ayuntamientu de Toledo, dirixíu pol socialista Emilio García-Page, contratara a Ana Belén, pagándola con perres de partíes presupuestaries empobinaes a la cooperación y el Tercer Mundu. L'alcalde socialista de Toledo defendióse alegando que, si usó dinero destináu al 0,7% pa pagar el conciertu de la cantante izquierdista, foi porque la recaudación diba destinase a proyeutos solidarios nos pueblos del Sahel. De toes formes, lo que pagaron los toledanos en taquilla ye bien inferior a lo que l'ayuntamientu quitó de los fondos de cooperación. El casu ye que la cantante, musa de la progresía de los años ochenta, cobró del consistoriu toledanu 57.000 euros, procedentes de fondos p'ayuda al Tercer Mundu.

Fonte LLONGALENDO

El Círculu Lliberal d'Asturies decidió sumase a la campaña Yo doi la cara pola oficialidá y, en virtú d'ello, encamentó a los sos miembros que participen activamente nella. Pola mor d'ello repartiéronse 100 cartelinos col lema de la iniciativa na seición de Mieres y Ayer. Igualmente, y nos prósimos díes, llevaránse per otros puntos de la xeografía asturiana, col envís de que les semeyes resultantes vayan mandándose a mailto:dolicara@gmail.com. Como aniciu del compromisu, la primer semeya que s'apurrió a los entamadores de la campaña ye la del presidente de la nuestra asociación, Humberto Gonzali. Y dende'l Círculu Lliberal de los Conceyos d'Ayer y Mieres, la primer semeya mándala la afiliada col númberu 1 de la seición, Matilde García.