L'Asturies Lliberal

N'Asturies prendiera con fuerza la rebelión. Munchos asturianos murieran en Madrid naquel entamu de mayu y el pueblu d'Uviéu esaltábase ante la llectura de la correspondencia que detallaba los crímenes cometíos pola francesada. Tres la llectura del corréu d'esi 9 de mayu, colos ovetenses ya enfurecíos, los maxistraos y Nicolás Llano Ponte, Comandante Provincial, pretendieron publicar un bandu de Murat. De la Escosura púnxose a lleelu, pero la escandalera nes cais nun lu dexaba falar. Frente a la fonte de Cimavilla, María Andallón y Joaquina Bobela, españaron en glayíos ¡que nun se publique! A partir d'equí, otres persones sumáronse a la indignación, como'l médicu Reconco o el conde de Peñalva que llanzaron la consigna ¡A les armes!. Ési foi l'aniciu. A lo cabero de la década de los ochenta, del pasáu sieglu, los asturianistes ficieron dellos homenaxes cabo la placa que fai alcuerdu n'Uviéu a los Héroes del 9 de Mayu.

1988-Humberto Gonzali, nel centru, lleendo'l manifiestu d'homenaxe al 9 mayu; a la so izquierda Ignaciu Llope; d'espaldes, Xicu Xabel Díaz

En glayiu.org paez que a dalguién nun-y importa el "corta-pega" con tal de camudar lo dicho nesti blogue pa que paeza dicir lo que-yos interesa a los amigos del victimismu izquierdista. Los nuestros llectores puen comprobalo darréu:

L'ASTURIES LLIBERAL ACUSA A SUATEA DE TENER RELACIÓN COL ENTRAMÁU POLÍTICU PROETARRA

22:30 hores :: 14/Mayu/2008 :: espublizao por anonimx :: [otrxs]

"Ante esti nuevu actu criminal, amás d'asoleyar la so repulsa, el Círculu Lliberal quier denunciar qu'a día de güei haya persones o sindicatos que dicen defender la llingua asturiana, y que tengan vinculación con etidaes onde se da abellugu a los que sofiten al entramáu políticu de la banda asesina ETA que, faigamos alcordanza, ente los sos crímenes han de contase l'asesinatu de varios ciudadanos asturianos."

"Suatea forma parte de STEs-INTERSINDICAL , al igual que'l sindicatu STEE-EILAS, organizacion del entornu abertzale, y que vien d'amosar el so apoyu a la fuerza filoetarra ANV. Sería intereseante saber si dende Suatea pretenden aplicar n'Asturies el mesmu tipu de democracia que proponen los sos collacios vascos nesa entidá inventada que nomen "Euskal Herria", si tamién ellos apoyen al mundu etarra, y si los sos enfotos de laicismu talibán tendríen algo que ver coles sos "peculiares" relaciones intersindicales. Quiciás por ello s'esplique la so llonxanza con respecto a Asturies y la so incapacidá pa entender a la ciudadanía asturiano."

Los llectores puen adicar que s'amesten dos testos que correspuenden a dos posts estremaos (marcamos los dos en collores distintos), lo que preba a les clares la intención de manipular y camudar la realidá, afición ésta ya vieya en ciertos totalitarismos. Recordamos lo que nesta páxina se diz sobre l'autoría del material publicao:

El Colectivu Editorial Glayíu nun se fai responsable pol material publicao nesti sitiu, al nun ser lo qu’apaez firmao pol Colectivu Editorial Glayíu. Tola responsabilidá pa comprobar la verdá y los derechos de reproducción d’un unviu correspuenden al autor o autora que lo publica. Al publicar material nesti sitiu l’autor o autora del unviu asume que pue ser redistribuyíu con llibertá

Poro, esperamos que d'alcuerdu colo reflexao nesi párrafu, el Colectivu Editorial Glayíu, que nun ye'l firmante, nun asuma manipulación tala. Por embargu, sería procedente que nel sitiu web curiaran de comprobar la veracidá de titulares como'l que se mencionaba antes.

Suatea forma parte de STEs-INTERSINDICAL , al igual que'l sindicatu STEE-EILAS, organizacion del entornu abertzale, y que vien d'amosar el so apoyu a la fuerza filoetarra ANV. Sería intereseante saber si dende Suatea pretenden aplicar n'Asturies el mesmu tipu de democracia que proponen los sos collacios vascos nesa entidá inventada que nomen "Euskal Herria", si tamién ellos apoyen al mundu etarra, y si los sos enfotos de laicismu talibán tendríen algo que ver coles sos "peculiares" relaciones intersindicales. Quiciás por ello s'esplique la so llonxanza con respecto a Asturies y la so incapacidá pa entender a la ciudadanía asturiano.

Pilar Fernández Pardo casó n'avientu pasáu, per ceremonia civil na Casa Conceyu Xixón, a Inés Benavente y Diego Moliner. Nesti actu, la presidenta del PP xixonés, portavoz del grupu municipal y diputada nel Congresu, emplegó la llingua asturiana y, por cortesía a la familia'l noviu, viniente de Castelló, dió llectura tamién a una versión en castellanu y deseo-yos felicidaes nestes dos llingües y en valencianu. Facemos alcordanza d'esti acontecimientu pa estremar la diferencia de sensibilidá y procuru pa col asturianu ente la xefa de la oposición municipal y l'alcaldesa socialista del conceyu. Nun queremos dexar de siñalar que Paz Fernández Felgueroso ye asturiana de nacencia y criada en Somió, y que Pilar Fernández Pardo nació en Madrid y pasó gran parte de la so vida fuera d'Asturies. Ye evidente que Fernández Pardo asumió ensin problemes la so asturianidá desque afincara na villa de Xovellanos, mientres que Fernández Felgueroso diríase que vivía y vive n'otru país.

Sigún pudo saber L'Asturies Lliberal de fontes averaes al proyectu, un grupu de promotores, formáu por empresarios, xestores culturales y profesionales de medios de comunicación, van reunise a primeros de mayu nun conocíu hotel del conceyu Mieres pa entamar l'estudiu d'una iniciativa editorial que quier, ente más otres coses, facer posible l'aparición d'un nuevu periódicu diariu d'ámbitu asturianu, cola novedá de que s'editaría en llingua asturiana. Una de les opciones que s'analizarán contempla la participación d'una importante empresa editora de calter estatal, cola que se tuvieren dellos alcuentros nes últimes selmanes. El grupu entamador apuesta por un mediu allugáu na centralidá política, asturianista y abiertu a toles sensibilidaes presentes na sociedá asturiana, que valga de calce p'amosar tolos enfotos que nazcan na nuestra comunidá autónoma. Nel mesmu aconceyamientu esbillaránse tamién les diverses víes de trabayu na edición dixital y na producción audiovisual.

Europa Press

"Naide nos tien de dar lleiciones", comenta en rellación a les declaraciones de Francisco Álvarez Cascos

   La presidenta del Partíu Popular de Xixón, Pilar Fernández Pardo, anunció güei que los once compromisarios xixoneses van apoyar la candidatura de Mariano Rajoy nel congresu nacional que va celebrar el partíu en Valencia los díes 20, 21 y 22 del próximu mes de xunu.

   Respecto a la posibilidá de qu'Esperanza Aguirre presente finalmente una candidatura alternativa a la del actual presidente del Partíu Poular, la diputada fizo insistencia en que "pel momentu sólo hai una candidatura", que va ser la que recibirá l'apoyu xixonés.

   En cuanto a les declaraciones de los populares, Alicia Castro y Francisco Álvarez Cascos, nes qu'aseguraben la necesidá d'apostar pola renovación, Pilar Fernández Pardo indicó que "naide nos tien de dar lleiciones" porque precisamente'l so grupu tuvo trabayando nesta llinia y añadió que "si dalguién apostó pola renovación foi'l PP de Xixón".

   La presidenta del Partíu Popular de Xixón destacó que soscribe "dafechu toles pallabres de Rajoy" y apoya "a toles decisiones qu'él tomó".

   De los once compromisarios xixoneses ocho fueron "electos", concretamente Manuel Pecharromán, Elena González, Eduardo Junquera, Antonio Lozano, Francisco José Rodríguez Cubiella, Luis Crego, Pablo González y José Gabriel Díaz, Los otros tres, ye dicir, Pilar Fernández Pardo, Dorinda Garcia y Salvador Garriga, son "per derechu".

http://www.deltaediciones.com/blasdelezo.html

http://www.elguaridadegoyix.com/cena-homenaje-blas-lezo