El Círculu Lliberal d'Asturies ye un proyectu de calter asociativu asturianista, democráticu y transversal
HONDURES: Tres del güelpe'l país polarízase y la Fiscalía Xeneral acusa a Zelaya d'abusu de poder, desacatu y corrupción
Fonte IPS. El fiscal xeneral Luís Rubí dixo que si l'ex presidente Manuel Zelaya regresa al país diba ser deteníu y acusáu d'abusu de poder, desacatu y corrupción. Per otra parte la resolución de la ONU foi considerada por Rubí como 'previsible', y dixo d'ello que nel organismu internacional "tienen muncha desinformación al respectu, y tienen de saber qu'Hondures ye un país constituyíu por lleis y vive nun estáu de derechu. Aquí lo que se fizo foi aplicar la llei ante un gobernante que creyía tener poderes supremos perriba la Constitución".
Marcha contra Zelaya en Tegucigalpa
El llunes pasáu, l'exércitu y la policía enfrentáronse a cientos de manifestantes qu'arrodiaren la casa gobiernu, se dispersaren y volvieren aconceyar protestando contra'l güelpe y reclamando la restitución de Zelaya. Esti martes tuvo llugar en Tegucigalpa una masiva manifestación contra'l presidente depuestu, de sofitu a la Constitución y a favor del gobiernu que tien a Roberto Micheletti como cabezaleru. Mientres, los sectores que nagüen pol retornu de Zelaya pa que termine en xineru de 2010 el so mandatu, aumenten les protestes, a les que se sumaren sindicatos d'educadores que tienen anunciada una güelga indefenío na enseñanza primario y medio.
Esbilla
del.icio.us
