L'ASTURIES LLIBERAL
Bitácora del Círculu Lliberal d'Asturies

  EP.El pasáu llunes la cantante saharaui Mariem Hassam dirixíase a almorzar col so grupu de músicos, pa dempués acudir a ensayar los sos próximos conciertos n'España, cuando "cinco marroquís" entamaron a insultalos y agredilos por vistir la melfa, el traxe típicu del Sahara, según esplicó l'afectada.

   La popular cantante, que dixo sentise "saharaui del Polisariu', eslicó en declaraciones a Europa Press Televisón que'l grupu d'agresores esperaba a los músicos nun bar de la madrilana plaza d'Antón Martín, onde ella y los sos compañeros suelen almorzar demientres les sos estancies n'España, pues el restaurante alcuéntrase cerca del so llocal d'ensayu. Mariem afirmó qu'esi grupu de mozos "entamó a glayar que'l Sahara nun existe", amás de llanza-yos amenaces sexuales "mui verdes y mui fees", relató.

   Les agresiones físiques llegaron cuando'l guitarrista del grupu salió del bar pa pidir al grupu de mozos que dexaren d'insultalos. Nesti momentu, Mariem acudió rápidamente xunto al so amigu, "p'ayudalu", y los agresores entamaron a pega-y a ella. Momentos dempués, los mozos marroquís fuxeron nun taxi al sentir la sirena d'un coche de la policía, qu'acudía la zona.

   "Ellos --los agresores-- saben que nosotros siempre salimos del hostal pela mañana", esplicó la cantante saharaui, quien nos sos cantares denuncia la ocupación marroquí de los territorios ocupaos del Sahara Occidental dende hai 35 años.

   L'artista ta convencida de que'l motivu de l'agresión foi qu'ella vistía la melfa, una prenda que, piensa, "llama l'atención" de los marroquís. "Ellos quieren que llevemos otra prenda, la xilaba", esplicó la cantante, al tiempu que defendió que les muyeres saharauis ta "encantaes" de llevar la vestimenta tradicional del Sahara y non la marroquí.

   Mariem acababa de llegar a España procedente d'un festival de música na isla italiana de Sicilia, y alcuéntrase nel país pa ofrecer dellos conciertos nes próximes feches. Nun ye la primer vez que l'artista sufre esti tipu d'agresiones físiques o verbales pola so vestimenta y condición saharaui, tanto n'España com n'otros países d'Europa.

   Nesti sen, recordó qu'anteriormente, en Sabadell (Barcelona), recibiere "insultos per parte d'un grupu de mozos a les puertes de la so vivienda". Entós, los agresores tamién la urriaron pol so vistíu. Hasta confesó que tuvo problemes y sufrió boicós demientres conciertos celebraos en ciudaes europees como Berlín o Estocolmo.

Tres saharauis, prisioneros nuna cárcel del réximen marroquín allugada en Marraquech, lleven 50 díes en güelga de fame, en protesta poles condiciones y medíes represives a les que son sometíos. Jalihana Abulhassan, Brahim Baryaz y Alisalem Ablag fueron deteníos en 2008 pola mor de les sos opiniones a favor de l'autodeterminación del Sahara, y agora'l so estáu llegó al puntu críticu, sufren desmayos, vómitos de sangre y tienen dificultaes pa respirar y movese. Brahim Baryaz tuvo de ser desplazáu d'urxencia al hospital Abentofail daes les sos condiciones físiques. El Sahara, país perteneciente a la comunidá hispánica de naciones, vien padeciendo dende 1975 una situación d'ocupación militar marroquina y de graves violaciones de derechos humanos que, nos últimos años, ta teniendo la complicidá del Gobiernu de Rodríguez Zapatero y del PSOE.