L'ASTURIES LLIBERAL
Bitácora del Círculu Lliberal d'Asturies

Vien d'abrir delegación n'Asturies del PRUNE (Partido del Renacimiento y la Unión de España), una fuerza política va poco fundada en Granada. Esta formación ta impulsada por musulmanes y ente los sos compromisos recuéyese el seguir les directrices del Islam nel momentu de tomar decisiones. 

La redacción del ideariu d'esti partíu islamista diz "Hermana, hermano, adelante con el renacimiento y la liberación, la concienciación y la meditación. Tienes que tener confianza en ti primero y después en tu partido para que puedas levantar tu voz a lo más alto. (...) Ha llegado el momento, hermana y hermano musulmán español, árabe, africano inmigrante y no inmigrante de liberarse de la humillación".

El primer oxetivu del PRUNE ye presentase a les elecciones municipales de 2011, y sobre ello dicen "seguro que algún día no muy lejano, no más de treinta años, uno de nuestros hijos será alcalde, ministro e incluso presidente de la Nación".

Llama l'atención el calter de delles afirmaciones del citáu ideariu que fain pensar nuna posible filiación integrista:"Estamos equivocados y no nos veremos como los insectos que los pisan los pies de los oportunistas. No debemos dejar ninguna facilidad a los que piensan humillarnos o herir nuestro honor y nuestra personalidad y luego dejar que toquen nuestra creencia" y "si esta vez deciden trabajar deberían apoyar la creación de este partido, que pronto la noticia saldrá a la luz".

La parte final del testu , una cita de Mahoma, pon sollerte a cualaquiera mentalidá democrática y occidental :"El que no dice la verdad es un Satán mudo".

Publicao por Alejandro G. Avendaño

La Guardia Civil investiga a dellos miembros (PSOE) del Ayuntamientu d'Almogía (Málaga) y a funcionarios municipales metanes un rexistru que se vien faciendo tola mañana nes dependencies de la Casa Conceyu. Participen nel operativu miembros del Seprona y de la Policía Xudicial de la Guardia Civil, en dientro d'una acción sobre temes urbanísticos.

L'alcalde del conceyu, el socialista Cristóbal Torreblanca, gobierna dende 1983, ye diputáu provincial dende 1995 y actualmente ye responsable del Ária d'Organización y Gobiernu interior. En función del rexistru y los resultaos de la busca de la Benemérita, pelo llargo del día podríen producise detenciones.

Publicao por Xerardo Díaz

El vicesecretariu de Comunicación del PP, Esteban González Pons, declaró que les grabaciones onde los responsables de la empresa público Mercasevilla reclamen a dos empresarios el pagu d'una comisión de 450.000 euros, pola concesion d'una subvención pa una escuela d'hostelería, ta amosando que'l PSOE  finánciase illegalmente per aciu subvenciones de la Junta d'Andalucía.

"Según les cintes y les persones qu'intervienen, que son cargos públicos socialistes, el PSOE taría financiándose illegalmente", aseguró González Pons, nuna rueda prensa onde s'emitieren ante los medios de comunicación les mentaes grabaciones. Darréu allugamos un enllaz pa escuchar esta prueba sonora:

http://audios.esradio.fm/09/09/08/escandalo-en-mercasevilla-1-94.mp3

 Publicao por Alejandro García Avendaño

J.P.Menéndez. El presidente provincial de Málaga del PP, Elías Bendodo, definió como 'operación de marketing' la disolución de l'agrupación local d'Estepona del PSOE, asina como la puesta al frente de la xestora del alcalde, el socialista David Valadez. Bendodo aseguró que "quieren facenos creer que se cambió, que s'entama una nueva etapa, pero eso ye incierto y nun nos vamos a dexar engañar". Nel momentu de valorar la denunciada trama de corrupción municipal, el dirixente popular dixo que'l partíu socialista "robó n'Estepona y según les primeres estimaciones, el desfalcu superaría los 60 millones d'euros", polo qu'afirmó que'l PSOE "ye la marca rexistrada de la corrupción n'Andalucía y n'España".

El Grupu Popular, per aciu del diputáu gaditanu Aurelio Romero Girón, plantegó una proposición non de llei nel Congresu los Diputaos instando al Gobiernu pa qu'autorice al Ayuntamientu de Rota a "obtener toda la información relativa a realizadas dentro del recinto de la Base Naval de Rota, desde 1 de enero de 2002, con el fin de poder liquidar las cantidades correspondientes al Impuesto sobre Bienes Inmuebles (IBI), pudiendo llevar a cabo cuantas inspecciones fueren necesarias para ello". El diputau popular esplicó que, magar esisten pronunciamientos xudiciales que perconocen al Ayuntamientu roteñu'l derechu a lliquidar l'impuestu, la negativa de l'Alministración Central, representada pol Ministeriu de Defensa empobináu pola socialista Carme Chacón, a pagalu, llevó al gobiernu municipal de Rota a acudir a la vía de la compensación d'oficiu coles lliquidaciones d'IRPF, IVA y otros impuestos nos que'l conceyu resultaba deldor.

La Asociación de Internautas asegura qu'Ángeles González-Sinde nun tien "aptitú, imparcialidá y neutralidá" y, pola mor d'ello, según l'artículu 4 de la Llei 5/2006, que regula los conflictos d'intereses de los miembros del Gobiernu y altos cargos de l'Administración, la nueva ministra tendrá d'inhibise en permunchos supuestos por haber precisamente conflictu d'intereses. L'asociación recuerda que l'artículu 7.1 de la llei mentada especifica que "los que desempeñen un altu cargu tán n'obligación d'inhibise del conocimientu de los asuntos que'l so despachu interviniere o qu'interesen a empreses o sociedaes que pa la so dirección, asesoramientu o administración tuvieren en dalguna parte d'ellos, el so cónyugue o persona cola que conviva n'análoga relación d'afectividá, o familiar dientro del segundu grau y nos dos años anteriores a la so toma posesión como cargu públicu".

Ángeles González-Sinde tien intereses personales y familiares directos cola industria del cine y la xestión de los derechos d'autor. Foi presidenta de l'AACCE (Academia de las Artes y las Ciencias Cinematográficas de España). El so padre, foi fundador de la dicha AACCE como d'ALMA (Autores Literarios de Medios Audiovisuales). El so hermanu y el so tíu pertenecen a l'AACCE. La ministra ye administradora de dos empreses, una d'elles con sede social nel so propiu domiciliu particular, y que tienen oxetos sociales enmarcaos dientro de los CNAE 9211 y 9212, venceyaos dambos a actividaes empresariales cinematográfiques.