L'ASTURIES LLIBERAL
Bitácora del Círculu Lliberal d'Asturies

En primer términu Teresa González Torrado y detrás Roberto Pérez

Manuel López Muñiz. La conceyala María Teresa González Torrado foi escoyida como nueva presidenta de la xunta local del PP de Piloña. Recibió 69 votos frente a los 35 que llogró l'otru candidatu, Juan Carballo Alonso. González Torrado llamó a los militantes a la xunión y la integración, col envís de recuperar nes elecciones municipales de 2011 l'Alcaldía, perdida fai dos años tras pautar el PSOE col tránsfuga José Ángel García Fernández, «Allende». Nes votaciones participaron 104 de los 140 afiliaos populares del conceyu. Pela so parte, Juan Carballo Alonso, asumió'l resultáu y púsose a total disposición de la nueva presidenta. El presidente saliente, Juan Roberto Pérez, díxose partidariu de l'anovación, "ye bueno pal partíu qu'ente sangre nuevu, con ilusiones nueves, porque pa eso ye un partíu democráticu".

El periódicu La Nueva España amuesa, na so edición dixital, siete de les 450 semeyes que guardaba en dos álbumes Manuel Sánchez Bretón, dende fai más de 75 años, y que yeren del xefe n'España del Partíu Nacionalsocialista Alemán. Les semeyes taben nun desván d'una casa de Ponga y recueyen el pasu d'altos cargos nazis per España.

Cuatro páxines onde se cuenten 13 casos d'escándalu urbanísticu protagonizao pola gobernanza socialista, y que vienen siendo denunciaos pol Partíu Popular llaniscu. Estes páxines puen vese en ELCOMENTARIO.TV.

El pesu de la prueba fizo dimitir al hasta ayeri conceyal de Turismu de Ribesella, el socialista Raúl Minordo. Viose obligáu a facelo desque se conocieren les conclusiones d'un informe fechu pol arquitectu municipal. L'estudiu, que caltenía datos demoledores, dába-y la razón puntu por puntu a les denuncies espuestes pol Partíu Popular, al tiempu qu'indica que l'edil del PSOE cometiere delles illegalidaes nel complexu turísticu que tien en Cuerres. L'izquierdista Raúl Minordo camudó ensin llicencia d'obra cinco cuartos  n'apartamentos, cosa qu'infrinxe darréu la normativa urbanístico llocal y la llexislación vixente  nesta estaya. Arriendes d'ello, los apartamentos tampoco nun teníen llicencia d'apertura  nin permisos de l'Administración autonómica.

La comisión municipal de Cultura del Ayuntamientu de Cangues d'Onís alcordó, de mou unánime, da-y la medalla d'oru del conceyu al ex presidente mexicanu Vicente Fox Quesada, que tien l'orixe de la so familia materna en Peruyes, na parroquia canguesa de Margolles. L'actu nel que Fox va recibir la distinción fadráse'l prósimu vienres día 10 d'ochobre, nel salón de plenos de la Casa Conceyu de Cangues.