L'ASTURIES LLIBERAL

(Remitíu) FALTOSA DISCRIMINACIÓN LLINGÜÍSTICA NA CASA-CONCEYU DE XIXÓN
 
L’Aconceyamientu de Xuristes pol Asturianu, pente medies de la denuncia d’un casu concretu, vien de desixi-y a l’alcaldesa de Xixón que corte pela freba cola discriminación llingüística que vienen careciendo los ciudadanos asturfalantes nos sos trámites burocráticos na casa-conceyu. L’escritu de denuncia,  rexistráu’l once del mes qu’andamos, ye’l darréu: 
 
A L’ALCALDESA DE GIJÓN/XIXÓN
 
   Xosé María Estrada Janariz, ciudadán titular del DNI númberu ......, na so condición de Presidente del Aconceyamientu de Xuristes pol Asturianu (AXA), asitiáu a efeutos de notificaciones nel ...., d'Uviéu, preséntase y DIZ:
   Primeru.-  Nel nuesu Serviciu d’Orientación Xurídica pa la Defensa de los Derechos Llingüísticos (SOX), recibióse denuncia de don ...... per los fechos de los  que darréu se fai resume:
   El día 28 d’avientu de 2009 personóse l’afectáu nes oficines municipales pa notificar un cambéu de domiciliu dientro’l conceyu, solicitando impresu al efeutu redactáu n’asturianu.
   Como-y dixeron que nun había impresu más qu’en castellán hebo de conformase con ello y cumplimentalu, non ensin cayer na cuenta de que’l topónimu llegal de la ciudá Gijón/Xixón, nun yera l’emplegáu nel impresu sinón el derogáu de Gijón.
   Presentáu’l documentu a la funcionaria que lu “atendió” plasmó’l nuesu comunicante cuando ella españó a rir tres lleer que nel impresu cumplimentáu figuraben les pallabres “fíu” ya “Inaciu”, pasando de la risa a aneciar en correxir Inaciu per Ignacio, magar que nel DNI que se-y amuesó figuraba’l nome d’Inaciu como propiu del so fíu.
   Hebo d’intervenir la superior xerárquica de la funcionaria pa finar colos malos modales y les burlles y permitir que’l ciudadán pudiere presentar la comunicación de cambéu de domiciliu.
   Segundu.- Con tales fechos l’Ayuntamientu vulnera très derechos del maltratáu ciudadán xixonés:
   1u. El so derechu a empobinase n’asturianu a l’Alministración municipal, reconocíu nel artículu 4 de la Llei 1/1998 y nos artículos 3 y 4 de la Ordenanza Municipal d’Usu del Asturianu, porque difícilmente un ciudadán va poder exercer el so derechu  a “rellacionase col Ayuntamientu y l’Alministración Municipal, mesmu n’asturianu qu’en castellán, oralmente o per escritu” ensín ser oxetu de “discriminación en forma dala por razón del so idioma”, si los impresos d’usu obligatoriu tan escritos en castellán.
   2u. El so derechu a que l’Alministración Municipal cumpla les normes llegales na so actuación, nesti casu el Decretu 105/2006, pel que se determinen los topónimos oficiales del conceyu, siendo’l de la capital el de Gijón/Xixón, que non Gijón.
   3u. El so derechu a recibir un tratu dignu nel intre de facer un trámite dientro d’una oficina municipal que ye pal funcionariu un deber (artículu 54.1, de la Llei 7/2007, Estatutu Básicu del Emplegáu Públicu) qu’apareya falta grave’l so incumplimientu (artículu 92.b de la Llei d’Ordenación de la Función Pública del Principáu d’Asturies, al qu’espresamente empobina l’artículu 74 del Alcuerdu sobre Condiciones de Trabayu, 2008-2011, d’esi Ayuntamientu).
   Poro
   ENCAMIENTO-Y: Que darréu dea les instrucciones afayadices pa cortar pela freba colos despropósitos burocráticos denunciaos pente medies de:
  a) Ordenar la impresión billigüe de los impresos normalizaos.
  b) Controlar qu’en toles dependencies alministratives s’empleguen los topónimos llegalmente establecíos.
  c) Abrir espediente informativu pa comprobar el tratu desconsideráu pa col ciudadán comunicante al que tien de siguir l’adopción de les midíes oportunes pa que fechos d’esta triba nun se repitan.
   En Gijón/Xixón, a once de xineru de dos mil diez.

El 7 de xineru pasáu formalizóse en Xixón l'entamu d'un nuevu partíu políticu, Ciudadanía y República. La iniciativa parte de miembros de la Federación Republicana de Asturias, y n'especial d'un ciudadanu nomáu José Miguel Bernardo, conocíu a lo último por ser l'individuu qu'oportunamente "atopara papeles perdíos" nun contenedor que nunca tuvo onde dicía. La personalidá y antecendentes del máximu impulsor d'esti CR, que se define como radical-socialista, llastra de mano la nacencia de la formación. Ensin entrar en más detalles sobre esti nuevu grupúsculu políticu, reproducimos el comunicáu d'Izquierda Republicana onde anunciaba que se daba de baxa al hasta entós militante José Miguel Bernardo y s'esplicaben los motivos de decisión tala (percalcamos en verde dalgunes espresiones mui esclariadores). 

Sobre el PP de Gijón y un sujeto llamado José Miguel Bernardo.

Ante las noticias aparecidas en varios medios de comunicación referentes a que el PP de Gijón estudia querellarse contra un sujeto del que se dice que está vinculado a nuestro partido, Izquierda Republicana, en uso del derecho de rectificación que concede la legislación vigente, manifiesta lo siguiente:

Si bien es cierto que José Miguel Bernardo Rodríguez ha sido responsable de Izquierda Republicana en Asturias, en la actualidad no está vinculado a nuestro partido. Sus oscuros manejos nos son conocidos desde hace más de dos años.

Este sujeto, tras turbias manipulaciones que no hacen al caso, en octubre de 2007 fundó un partido asturiano propio, hecho del que Izquierda Republicana no tuvo conocimiento hasta abril-mayo de 2008, en plena pre-campaña a las elecciones generales. Visto que la actuación de José Miguel Bernardo vulneraba nuestros estatutos, la Comisión de Disciplina del partido dispuso su baja como afiliado a Izquierda Republicana. El hecho de no retirarle de la candidatura de IR se debió a que Izquierda Republicana consideró más perjudicial para el partido retirarlo de la candidatura que mantenerlo en ella.

El mencionado sujeto no aceptó su baja en el partido, y ha estado utilizando indebidamente su anterior condición de afiliado para actuar como si siguiese representando a IR y emitir comunicados en una supuesta página web de IR-Asturias, hechos que hemos denunciado y desautorizado reiteradamente.

Finalmente, Izquierda Republicana manifiesta que no tiene nada que ver con el asunto entre Álvarez Cascos y el PP de Asturias que ha dado lugar a la noticia.

Madrid, 22 de octubre de 2009

Secretaría de Comunicación de Izquierda Republicana

Imaxen d'un actu de l'Arribada 2009

RTPA-estaya d'asturianu. La organización de l’Arribada. Vagamar Lliteraria, alcuentru que dende hai cinco años vien celebrándose en Xixón, decidió allargar, nesti añu 2010, les sos actividaes del mes d’abril al de payares. Amás d’eso, los actos enmarcaos nel so so programa van dividise en tres apartaos: Vagamar, Per Asturies y Rolda.

Vagamar 2010 va siguir como’l nuedu central de l’Arribada, onde de contino y en dellos díes de la segunda metá del mes de setiembre va desenvolvese un númberu importante d’actos de tou tipu. La sé va ser el Centru de Cultura Antiguu Institutu de Xixón.

Per Asturies 2010 va valir pa entamar xornaes de l’Arribada per otros conceyos d’Asturies, amás del de Xixón, que ye’l qu’acueye lo más del calandariu del eventu. Esti añu vuelve a desplazase hasta Villaviciosa, y a esti conceyu van añadise dos más, ún del centru y otru de la zona más occidental del país.

 Rolda 2010 va axuntar un conxuntu d’actividaes pa facer nel conceyu Xixón, pela rede municipal de centros, n’ateneos culturales, en centros educativos y n’establecimientos collaboradores. Esti apartáu va permitir desestacionalizar la muestra de productos lliterarios y culturales arreyaos a la llingua asturiana, abriendo asina l’Arribada a la participación de colectivos qu’hasta agora nun participaren nella.

La presidenta del Partíu Popular de Xixón, Pilar Fernández Pardo, aseguró que'l Principáu amenorga la partida presupuestaria dedicada al conceyu. Esto significa una inversión de 152 en cada xixonés l'añu viniente, frente a los 823 euros previstos pal restu los asturianos. Esta diferencia de 671 euros nun se correspuende, según Fernández Pardo, "coles necesidaes de los xixoneses, nin cola población del conceyu", que representa el 43% de la población asturiana. Igualmente, la dirixente popular destacó "la escasa inversión, el gastu escesivu y los ingresos inflaos pa equilibrar formalmente'l presupuestu".

Per otra parte, la diputada del Grupu Popular na Xunta Xeneral del Principáu, Ana Barrientos, dixo que se trata d'un presupuestu de "ciencia ficción que nun respuende a les necesidaes de los xixoneses y nun s'axusta al momentu de crisis actual". Destacó tamién que, d'un presupuestu total de 4.428 millones d'euros, cuasimente'l 50% correspuenden a deuda.

Les Noticies. L'Asociación Cultural l'Arribada acaba de convocar el IV Premiu Timón p'autores n'asturianu y en gallego-asturianu. Como novedá, nesta ocasión ábrese una categoría pa la xente qu'escribe en castellanu, col oxetivu de «reconocer trayectories lliteraries de valor especial». El plazu pa presentar les candidatures empieza esti 16 d'avientu y va tar abiertu hasta'l 1 de mayu del 2010.

Les candidatures pueden proponese por una persona o por un colectivu nel corréu electrónicu larribada@gmail.com.

Nesta edición, opten a los gallardones los escritores que nacieren nel añu 1960 o enantes. La distinción que se va dar a quien gane en cada candidatura ye una obra del escultor y ceramista xixonés Jesús Castañón, que se va entregar na celebración de L'Arribada 2010. Yá ganaron esti premiu Nené Losada Rico, nel 2007, Xuan Xosé Sánchez Vicente, nel 2008, y Manuel García Galano, nesta última edición.

 D'izquierda a derecha, Antonio Merayo, Xuan Xoxé Sánchez Vicente y Humberto Gonzali.

Güei'l protagonista de los "Encuentros poéticos en el antiguo Instituto" foi l'escritor y políticu asturianista Xuan Xosé Sánchez Vicente. Estos alcuentros, que fain con ésti'l númberu 104, tán entamaos pol lliteratu lleonés Antonio Merayo y cuenten col apoyu de la Fundación Municipal de Cultura de Xixón. Nesta ocasión valieron pa que Sánchez Vicente diere un recital con poesíes de so, que tán publicaes dende'l más tempranu poemariu Camín de señardaes,1980), al últimu (As de corazon/es/y/es, 2001), pasando por Poemes de Xixón (1981), De reidores costes (1988), ya ...Y de llastientes picos (1999). L'autor xixonés foi presentáu pol tamién escritor y políticu Humberto Gonzali.

FONTE L'Arribada.

Javier Cubero de Vicente (Xixón, 1986) foi'l ganador de la segunda edición del Premiu 'Fierro Botas' d'ensayu y trabayos d'investigación que convoca l'Ayuntamientu de Xixón, per aciu de la conceyalía de Cultura Tradicional y Llingua Asturiana. La obra que llogró'l gallardón titúlase Del romanticismu al rexonalismu: Escritores carlistes na lliteratura asturiana. Nella faise un análisis históricu del carlismu nel Reinu y n'Asturies y axúntase una estaya onde s'estudia a un grupu d'autores qu'engloba dientro de l'afección a esta ideoloxía, que van de Xuan María Acebal a Enrique García-Rendueles. El premiu ta dotáu con 4000 euros y conlleva la publicación del trabayu.
El xuráu formáronlu pa esta edición Roberto Colunga (presidente), en representación de la conceyalía de Cultura Tradicional y Llingua Asturiana, Jaime González-Fierro, filologu, profesor de Secundaria y representante de la familia González Fierro, Miguel Ramos Corrada, Vicepresidente de l'Academia de la Llingua Asturiana, Rafael Rodríguez Valdés, historiador y ganador del premiu na so edición primera, Jesús Ángel Fernández, filólogu y teólogu, xesuita miembru de la comunidá del Natahoyo a la que pertenecía Federico Fierro, Ana Vanessa Gutiérrez, escritora, Beatriz Rodríguez Viado, directora del semanariu Les Noticies, Humberto Gonzali, escritor y xestor cultural, miembru de la Xunta Rectora de la FMCEyUP del Ayuntamientu de Xixón y miembru de númberu del RIDEA, y María Xosé Rodríguez, responsable de la Oficina Municipal de la Llingua de la FMCEyUP del Ayuntamientu de Xixón, actuando como secretaria del tribunal.

Ente setiembre y la selmana pasada tuvimos dellos alcuentros col presidente del Círculu Lliberal d'Asturies onde-y preguntamos por estremaos asuntos venceyaos a la realidá política, social y cultural d'Asturies y al asturianismu. Vamos dir espublizando estes entrevistes nes qu'Humberto Gonzali analiza en fondura les custiones que se trataren y onde fai un repás, esclariante y precisu, de datos y socedíos non siempres en conocencia del común de los asturianos. L'entrevistáu apurriónos propuestes novedoses, como la del asturianismu constitucional, y opiniones sinceres y valientes, qu'en dellos casos puen tar llamaes a la polémica. En pallabres  d'Humberto Gonzali "a Asturies y al asturianismu  lo que-yos fai falta ye falar les coses a les clares, dexase d'asonsañar mundos que nin fueron, nin son, nin han ser, y poner a caún nel so llugar. (...) Más modestia, y menos atención al porgüeyu personal, más trabayadores y menos popes. Enfotase no que tenemos, polo menos na mayoría, namás val p'amorrentar camín del desaniciu. (...) Ye'l momentu de mangar enriba la mesa otros argumentos, o lo que sía mester, pol bien del país y de la so xente".