L'ASTURIES LLIBERAL

Un ciudadanu asturianu, que según confiesa n'Una opinión personal, tien lleío a Leon Tolstói, y qu'atiende pol nome lliterariu de Xuan Bello, ye l'autor de la 'gloriosa' frase. Bono, yá sabemos ónde tien la intelectualidá progre y autóctona'l destín de les sos pelegrinaciones. Sabemos tamién qu'esti ciudadanu asturianu, y llector de Leon Tolstói, tien tola pinta de ser un imitador de Friedrich Engels tocántenes a los discursos tipu 'pose'. De toes maneres, disculpamos l'aforfugu marxista  del ciudadanu polo que de realidá virtual tien la so frase, pues ye por toos sabío que, hasta onde se sabe, la Conseyería de Cultura de los gobiernos de la esquierda plural nun subvencionó, tovía, viaxes añales al cementeriu d'Highgate.

Dizlo güei Noemí Martín en 'La Voz de Asturias'. ¡Qué visión de futuru tien esta muyer!

Y esto apaez nun informe del PSOE. Definitivamente, les coses tán mui mal. Yá nun ye que suelten una fatada tres d'otra. ¡Ye que los mui babayos hasta les creen!

Magdalena Álvarez, ministra de Fomentu, en 'Los desayunos' de TVE. La señora Álvarez acaba d'iguar el problema vascu. Si quier acercar el territoriu español a los vascos, ye qu'éstos nun tán en territoriu español. Agora bien, ¿saben nel restu del Gobiernu Zapatero que la ministra de Fomentu vien de da-yos la independencia a los 'chicos de la gasolina'?.

Simpática frase d'Enrique Gil Calvo, en El País. Ta bien claro que pal mui progresista señor Gil Calvo lo importante, y non tanto pa los madrilanos como pa él, ye'l socialismu 'a la talentina' de la presidencia zapateril. Yá saben, amigos y amigues, los probes votantes de Madrid son fatos, y pa enriba nun saben que ye lo que-yos convién. Menos mal que tienen a los pijiprogres d'El País pa face-yos ver la lluz. Lo dicho, a cuantu llechuguín diba veni-y más que bien unos cuantos viaxes a Cuadonga.

Esta ye una nueva estaya de la nuestra bitácora, que'l so nome escoyimos tres la ocurrencia Polpotiana de dalgún neoestalinista xixonés, que dió en definir a los posts de nuestro como babayaes neocon. Asina, tolos díes, fadremos recordatoriu de les ayalgues que nesa fastera del pensamientu 'progre' merezan mención, en virtú del so disparatáu cretinismu.