L'ASTURIES LLIBERAL

Sentencia Raúl Castro, que neso de sentenciar yá tien la so práctica. Y a tou ello, ¿por qué nun preguntamos a los habitantes de la isla-prisión si tán d'alcuerdu con afirmacion tala? Ah non, eso non, que'l votu llibre yá sabemos que ye una 'engañifa neocon y fascista'.

¿A que nun aldovinen quien ye l'autor de frase tan xenial? ¿Non? Pues José Luis Rodríguez Zapatero, nada menos. Vamos, los progres nel so papel de siempres.... después de dar ellos el fesoriazu andar diendo de víctimes. Si ye que son de lo más previsible.

Prueba qu'afita de toes toes l'éxitu de la nuestra bitácora ye la pruyición 'progre' que-y entró a dalgún maxín. De la 'fondura intelectual' de la marxinalidá bienpensante llega agora'l sitiu nomáu (ensin nomes, claro ta) Memories d'un lliberal, que se presenta como una versión crítica de L'Asturies Lliberal y recurre al patéticu pataléu de la descalificación facilona y atarriquada de tópicos de los vieyos 'años marxistes'. Nada qu'obxetar; ye más, tamos encantaos con esta ayalga. A lo que se ve, mancamos a esa cierta asturianidá de chigre y dinamitera,  enllena d'individuos de mal beber y, lo que son les coses, conocimientu nulu del 'material esplosivo'. Ye lo qu'hai, asturianismu del otru día y cola gracia a l'altor del calcañu.

Acabante inaugurar, el sitiu en cuestión amuesa una peculiar querencia pa col presidente del Círculu Lliberal, y militante del PP, Humberto Gonzali. Una querencia que, nun-y deamos más vueltes, de seguro respuende a unu de los más básicos defectos humanos que, d'otra parte, ye bien abondosu n'Asturies y nun fai falta decir el que ye. En fin, que pola mor del so emperronamientu, dámos-y a Memories d'un lliberal un distingu d'honor na estaya de les BABAYAES PROGRES.  A seguir enfotaos per esi camín, que nada nun nos presta más qu'una bona risión a costa de los 'pijoprogres'. Ah, y ¡salú!, compañeros.

Díxolo Dolores Villarino, presidenta del Parlamentu de Galicia, falando cola vicepresidenta, Tareixa Paz, del BNG. La cultura política de la izquierda n'estáu puru.

Dizlo Mercedes Álvarez, la nueva conseyera de cultura del gobiernu socialcomunista d'Areces. Y dizlo nel contestu d'un párrafu onde fala sobre la cultura tradicional y el patrimoniu etnográficu, que per sí mesmu ye toa una babayada y, poro, reproducímoslu darréu:

Cultura tradicional y patrimonio etnográfico. Es muy importante, mantenemos elementos in situ, como pueden ser los teitos de Somiedo y se han hecho investigaciones sobre toda esa cultura tradicional. El Museo del Pueblo de Asturias, ejemplar, con una colección magnífica y un director y conservador capaz de ir hasta Somiedo a buscar una lata para que figure en una exposición, lo que dice mucho de su capacidad e interés, debe funcionar como cabecera de la red de museos etnográficos. Hay muy buenas cabezas en Asturias que reflexionan sobre política cultural y voy a pedirles opinión porque un político no suele ser experto en todo y a veces tampoco tiene el sosiego suficiente.

Vamos, que los asturianos tamos de suerte. Pa la nueva responsable de la cultura d'esti país que se llama Asturies ye destacable, qué coses, el fechu de que los socialistes en gobernanza nun van cambiar los teitos del sitiu onde tán. Como tamién ye relevante que l'actual director del Muséu del Pueblu d'Asturies sía capaz de dir, al mesmu conceyu somedanu onde seguirán tando los teitos, a la gueta d'una llata. Pues como pa nun pidir bones cabeces que "reflesionen" sobre la política cultural, si los xerifaltes de la culturuca socialista dedíquense a pensar coles antípodes orgániques de la tiesta.

Ocurrente, esto ye lo que dixo'l ministru d'Esteriores, Miguel Ángel Moratinos, mentantu participaba col so homólogu portugués, Luis Amado, nel aconceyamientu preparatoriu de la viniente Cume Luso-Española que se fadrá'l 22 de xineru en Zamora. De tanto facer 'alquimia llingüística', a los socialistes escápesen-yos ayalgues como ésta. ¡Cómo nun van nomatar a esti paisanu con aquello de 'Desatinos?!

Esta pelra soltóla'l 'presidente del talante', el progre de la ceya circunflexa, el socialista José Luis Rodríguez Zapatero, nel Congresu los Diputaos. Esti individuu necesita medicación, y el so Gobiernu, tratamientu siquiátricu.

Fernando Lastra, en Les Noticies. Bien, pues entós ¿qué fai'l PSOE sofitando la oficialidá, pongamos por casu, del catalán?.

Dizlo Javier Fernández, el guapu la FSA. Agora vete con esa garantía a según qué sitiu y verás, verás.

Díxolo Cayo Lara, nuevu cabezaleru d'IU. El señor Lara ye tou un comunista, pero visto lo dicho, eso nun quita pa que sía un bon humorista. ¡Vaya chiste qu'acaba soltanos!