L'ASTURIES LLIBERAL

Vaya, tenemos un problema. Esto ye lo que diz Ángel Gabilondo, el ministru más instruyíu del gobiernucu. Definitivo; les coses tán mui, mui, malines.

Asegúralo la 'miembra más chupiguai' del gobiernucu 'pijuprogre' del presidente más frívolu de la historia recién d'España, Bibiana Aído. Médicos, biólogos, acádemicos de la RAE, tienen l'atrevencia d'igua-y la gracia..., pero claro, yá se sabe, son unos indocumentaos y amás ¡unos faches!. Eso sí, si los fetos que lleven dientro les muyeres nun son un ser hermanu, ¿qué son? ¿Un ser 'perrunu', un  xatu/a, un amagu de pixín? Nada hom, qué nos lo diga'l ministru más intruyíu d'esta peña.

Díxolo ayeri'l mui, mui, mui intelectual verbeneru conocíu como  Taibo II, inventor d'esi chollu reperintelectual atacáu de 'chiringuitos' que nomen 'Semana Negra'. Y díxolo refiriéndose al rector de la Universidá d'Uviéu. Vamos, que si un 'gachupín' diz cosa asemeyada del rector d'una universidá mexicana lo menos que-y pue pasar ye que-y deen una 'balasera'. Pero claro, n'Asturies, como somos tan progres, lo normal ye faltar a los doctores universitarios, y dinamitar universidaes, y volar catedrales, y...., bono, yá saben ustedes, lo propio d'una tierra 'borracha y dinamitera'.

Elisa Llaneza, la mui socialista directora xeneral de Turismu, soltó tan gloriosa frase que publicó'l diariu El Comercio. Acabó diciendo que los 'polvos' del plantígradu en custión son un tema "muy importante para Asturias". Nun ye pa estrañanos, pues cualaquiera con dos deos de frente persabe que la dedicación favorita de la izquierda asturiana ye, precisamente, facer l'osu.

A la pregunta de Sáenz de Santamaría de cómo valoraba que se pasare de los cuatro millones de paraos, la viaxada vicepresidenta primera del Gobiernu Zapatero, María Teresa Fernández de la Vega, contestó con esta patochada. Dende la bancada de la gobernanza socialista tou yera rises y satisfacción pola frase. Eso sí, a munchos de los que tán nel paru y yá-yos ye difícil comer tolos díes, la ocurrencia nun-yos fizo nenguna gracia. Igual ye porque solo son unos 'antipatriotes'..., pero lo malo pa la vice y la so compaña ye que voten.

Palabra de TaiboII. Esti fagocitor de fondos públicos asturianos sigue na llinia. Sobráu y chulu. ¿Ónde va la Universidá en comparanza col so "inventu cultural"? ¿Cómo los miserables ciudadanos de Xixón y los 'fascistes' universitarios son p'atrevese a critica-y el chiringuitu? Sobren comentarios. Pero, en tou casu, pa esta triba de vividores profesionales a costa de quita-y perres a la cultura asturiana, un dichu mui de nuestro: Al platu vendrás, arbeyu.

Dizlo José Manuel Sariego, el xefe del PSOE de Xixón. Paez que la llibertá ye dalgo restrinxíu namás que pa los 'bonos ciudadanos progres', ye dicir, pa los adeptos del réxime. Regresamos a los vieyos tiempos.  Mui mal tienen de tar diendo les coses pa la gobernanza socialista, pa que los sos dirixentes locales  entamen a emplegar davezu tanta terminoloxía franquista.

Decíalo'l mui progresista y conceyal d'Urbanismu Pedro Sanjurjo, nun va muncho, a la portavoz del grupu municipal popular. Nun paez que falare pensando na parroquia de Cabueñes pero, en tou casu, como pa soltar palabra tán los socialistes xixoneses.

Escríbelo nun artículu (bien subvencionáu) tituláu Vascos de chiste   l'escritor y responsable la Casa Cultura de Mieres Ismael María González Arias, qu'anda d'un tiempu a esta parte d'un 'progre' xubíu que nun hai quien lu aguante. Suponemos qu'amás de pintar a los peperos como nun son tampoco nun tendrá nenguna de les otres querencies últimes de los 'progres'. Hasta nes Cuenques les coses nun anden como pa ciertes allegríes.

El colmu la fatada. La conceyala de Festeyos del Ayuntamientu avilesín, la mui progre Ana María Hevia Conde, tien dicho que la tradicional 'quema la vieya' que se fai n'antroxu nun-y presta, y como esti paez ser un motivu de pasu, aseguró que mientres ella tea nesi puestu diba procurar que nunca nun se vuelva repetir. Una cosa ye l'alderique sexista y otro que se llegue a tochures tales. Ye lo que pasa cuando prima ser miembra sobre ser intelixente, sensata y documentada.