L'ASTURIES LLIBERAL
Bitácora del Círculu Lliberal d'Asturies

Increyible pero cierto de toa certeza. D'esta manera, y refieriéndose a la potabilidá del agua en delles fontes del conceyu xixónes, falaba en febreru la conceyala socialista Dulce Nombre de María Gallego Canteli. Ye más, reproducimos íntegramente tan 'científica' opinión: " Vamos a ver, al que lleva toda la vida consumiendo el agua de una fuente que no tiene las características que te marca la legislación de potabilidad, pero que lleva consumiendo toda la vida, no le va a pasar nada, y te va a decir que está buenísima, claro que sí, y no le pasa nada, pero el que viene a lo mejor esporádicamente y se acerca a la fuente y coge agua y la consume y no está acostumbrado puede tener problemas". Y se quedó tan pancha. Lo d'esta progresía nun tien igua, dicen la mayor burrada como si fuere lo más normal y nin reconoz l'enquivocu nin pide perdón. Progresía soberbio y indocumentao, ye lo que nos 'gobierna'.

La Ministra de Sanidá y Política Social del executivu socialista de Zapatero, Trinidad Jiménez, tamién s'apunta a la tendencia "progremasturbatoria" de los últimos díes. Meyor fadría diciéndo-y a los sos colegues asturianos que se diere llingua asturiana en tolos colexos, masque eso debe paece-yos pornográfico. Estos del PSOE nun tienen igua.

La directora xeneral del Instituto de la Mujer de Extremadura, María José Pulido (a la izquierda), cola presidenta del Consejo de la Juventud extremeñu, Laura Garrido

Dizlo la presidenta del Consejo de la Juventud d'Extremadura, la mui progre Laura Garrido. Acompañó esta frase con otra que tampocu tien desperdiciu: "Esta campaña pretende ser sencilla, clara, natural y adaptada a un vocabulario fácil de entender y comprender por el colectivo al que va dirigido, que son adolescentes con edades comprendidas entre los 14 y 17 años". Ensin comentarios. Como que si nun ye por esos 14.000 euros unos rapazos y unes rapaces d'esti tiempu nun van ser p'autoallegrase'l cuerpu. A tou esto, y esta xente... tará enterao de lo de la crisis.

 Dizlo Esperanza Fernández, conceyala socialista de Xixón y presidenta de la Fundación Municipal de Servicios Sociales, respondiendo a la campaña de recoyida d'alimentos "+ necesidad + solidaridad" entamada pol PP. Hai nervios nes files de la gobernanza socialista y ello llévalos a declaraciones tan poco afortunaes. Dalguién podría recorda-yos l'incrementu galopante de paraos, pola mor del non facer del gobiernu Zapatero y de tolos gobiernos de la mesma cuerda qu'afayamos per tol estáu. Pero diga lo que diga la señora Fernández, n'España, n'Asturies, y en Xixón, hai necesidá, necesidá qu'equí l'equipu de gobiernu de la izquierda plural nun consigue amenorgar. La realidá ye la realidá; la propaganda barato, la esencia del socialismu.

Publicao por Alejandro García Avendaño

Sí, tán lleendo ustedes bien, hai quien s'atreve a dicir una cosa como ésta y, claro, como nun pue ser d'otra manera, trátase d'un 'progre', nesti casu de la tribu socialista; el señor Francisco González Buendía, conseyeru de Mediu Ambiente, Ordenación Territorial ya Infraestructures del gobiernu presidíu por Vicente Alberto Álvarez Areces. A estes hores el 'compañeru' socialista tovía nun presentó la so dimisión. A lo que paez Asturies nun ye un país européu y pola mor d'ello aquí lo normal ye una anormalidá.

Mui chulu'l socialista Víctor González Marroquín, director del Institutu de Desarrollu Económicu del Principáu (IDEPA) pola gracia d'Areces. A esti señor solo-y val aquello de "el salario de cada uno es algo íntimo y privado de una persona". Lo malo ye que cuando los sueldos páguense con dineru público, y por ostentar un cargu políticu y públicu, la privacidá ye sinónimo d'autoritarismu, que ye lo que-yos presta por demás a los mandamases de la FSA.

Frase tan llarga como curtia la entendera del falante, el señor Eduardo Sotillos, secretariu de Comunicación del Partido Socialista de Madrid (PSM). Paez ser que la gripe Z espárdese ensin control ente la militancia del PSOE. ¿Síntomes? Primero anuncies acontecimientos planetarios y na fase siguiente compares la victoria del Partíu Popular Européu cola ocupación nazi.

Esta Leire Pajín nun tien desperdiciu. Vaya secretaria d'organización que mangaron los socialistes nel partíu. Pues nada, que siga per esos caminos "siderales". Cada vegada qu'abre la boca esta pija-progre son miles de votos que pierde'l PSOE, y un pasín más p'hacia'l triunfu del PP.

Ponémoslo en vídeu porque si nun se siente ye difícil de creyer. Definitivo, José Güemes tien razón, los 'brotos verdes' que namás ven los socialistes son de mariguana; y esta moza, Leire Pajín, fumó abondo más que'l restu los sos colegues.

Díxolo güei nel Senáu'l 'presidente del talante'. Sí, ho, nun s'alcuerden, Zapatero. Pero la realidá ye que l'español tien toles torgues posibles en Cataluña; al igual que la llingua asturiana (menor según el de la ceya) tien toles torgues n'Asturies. Y lo único qu'hai en común nos dos casos ye'l partíu que gobierna, ¿que ye? Pues el PSOE; y nun paez que sía coincidencia.